جلاد سنين يانديرديغين كيتابلار بويوك شاعيريميز صمد وورغون
جلاد! سنين قالاق قالاق ياندير ديغين كتابلار
مين كمالين شهرتي دير ،مين اورگين آرزوسو...
بيز كوچوروك بو دنيادان ، اونلار قالير يادگار
هر ورقه نقش اولونموش نئچه انسان دويغوسو
مين كمالين شهرتي دير ،مين اورگين آرزوسو...
ياندير ديغين او كيتابلار آلوولانير ...ياخشي باخ !
او اَلولار شعله چكيب شفق سالير ظلمته...
شاعرلرين نجيب روحو مزاريندان قالخاراق
آلقيش دئيير عشقي بويوك ،بير قهرمان ملته
او اَلولار شعله چكيب شفق سالير ظلمته...
جلاد ! منيم ديليمده دير باياتيلار ، قوشمالار
دئ ، اونلاري هئچ دويدومو سنيناوداش اورگين؟
هر گرايلي پرده سينده مين آنانين قلبي وار...
هر شكسته اولادي دير بير مقدس ديلگين
دئ ، اونلاري هئچ دويدومو سنيناوداش اورگين؟
سويله ،سنمي خور باخيرسان منيم شعر ديليمه؟
قوجا شرقين شهرتي دير فضولي نين غزلي!
جلاد ! يانيب اود اولسا دا ، كوله دونمز آرزولار
طبيعتين آنا قلبي قول دوغماميش انساني !
هر اورگين اوز دنياسي بير سعادت آرزولار
قانلار ايله يازيلميشدير هر آزادليق داستاني...
طبيعتين آنا قلبي قول دوغماميش انساني !
ازل باشدان دوشمنيمدير اوزو مردار قارانليق...
هر توپراغين اوز عشقي دار ، هر ملتين اوز اآدي
كائناتا دگيشمه رم شهرتيمي بير آنليق
منم اودلار اولكه سينين گونش دونلو اولادي !
هر توپراغين اوز عشقي دار ، هر ملتين اوز اآدي
ندير او دار آغاجلار ري ، دئ ، كيملردي آسيلان؟
اويونجاقمي گلير سنه وطنيمين حق سسي ؟
دايان !...دايان!اوياق گزير هر اوركده بير اصلان
بو غازيندان ياپيشاجاق اونون قادير پنجه سي
اويونجاقمي گلير سنه وطنيمين حق سسي ؟
جلاد ! سنمي ، دئ ، ثير ير سان فدائيلر نسليني ؟
ملتيمين صاف قاني دير قورت كيمي ايچديگين قان !...
بير ورقله تاريخلري ، اوتان منيم قارشيمدا
آتام تومريس كسمه ديمي كيخسروين باشيني؟
كوراغلونون ، ستارخانين چلنگي وار باشيمدا
نسيللريم قويميجاق داش اوستونه داشيني
آتام تومريس كسمه ديمي كيخسرووين باشيني؟
سور آتيني ، دورت نالاچاپ! مئدان سنين دير ...آنجاق
من گورورم آل گئيينيب گلن باهار فصليني...
قوجا شرقين گونشي دير يارانديغيم بو تورپاق
من ايتيرديم آل بايراقي انقلاب لار نسليني
من گورورم آل گئيينيب گلن باهار فصليني...
بؤلوم : یازار : آيدين آراز اوغي 1 باخیش