بايرام
سني تاري بايرام خانيم راضي اولما من اوتانيم
بايرامدا يوخدور تومانيم گئت تبريزه ، گلمه بيزه
من ده يوخ حوصله بايرام اليم بوشدور هله بايرام
شيل اولاسان بئله بايرام گئت تبريزه ، گلمه بيزه
بايرام ايه گلسن بيزه بير شال گتير قارا قيزه
گتيرمه سن گئت تبريزه گلمه بيزه گلمه بيزه
گلسن بيزه آقام جاني باشين يارام آخار قاني
اوغلانين يوخودور توماني گئت تبريزه گلمه بيزه
گؤرسن آخير چرشنبه ني سؤيله اينجيتمه سين مني
پلوون يوخ ياغي ـ دني گئت تبريزه گلمه بيزه
ساققيزي سالميشام انگه اوغلان گتدي مني تنگه
پول يوخدور وئرم فيشنگه گئت تبريزه گلمه بيزه
بايرام والله يوخدور ناريم ياري گورمه يه آپاريم
نار وئرمه سم ، كوسر ياريم گئت تبريزه گلمه بيزه
وارلي يئيير ياغلي چيلوو يوخسول چكر ،غوصه ـ خينوو
بيزده يوخدور ، خوروز پيلوو گئت تبريزه گلمه بيزه
يوخسول مين درده توش اولار مي ايچمه دن سرخوش اولار
تبريز هاواسي خوش اولار گئت تبريزه ، گلمه بيزه
بؤلوم : یازار : آيدين آراز اوغي 0 باخیش