اوز ديلينده مدرسه اولماليدير هر كسه
مدرسه ده موعلليم
ينه دوءدويدي اليمدن
باجار ماديم فارسيني
ايراد توتدوديليمدن
دئديم : آغا موعلليم
وورما ، گوينه دي اليم
نه دير آخي گوناهيم
توركودورمنيم ديليم
يا پيشدي قولاغيمدان دئدي : بوراخ توركونو
اوقالدي ائوينيزده اونوت گئتسين كو كونو
اوء يره نمه سن آب - بابا آچاجاقسان اليني
كو تك ييه ندن سونرا اونودارسان ديليني
سنين هاران توركدور؟ آذريسن ، آذري
كيم او يره ديبدير سنه بئله يانليش سوزلري
آخدي گوزومون ياشي تيتره دي ديل -دوداغيم
بئله يالان سوزلره اينانمادي قولاغيم
آنام مني اويدورماز آتام مني آلداتما ز
بو سو زلرين هئچ بيري منيم عاغليما باتما ز
نييه منيم آديمي سوروشما ييراوزومدن
نييه سوء زون دوزونو اوخوماييرگئوزومد ن
هركس يالان دانيشسا آلاهين دوشماني دير
من كي يالان دئميرم بو اونون يالاني دير
لايلاي دئيبديرآنام منه بئشيكده توركو
دانيشميشق هاميميز ائوده ائشيكده توركو
نه دن گرك يازماياق ديليميزي كيتابا
مدرسه ده نه اوچون گلمه يك بيز حسابا ؟
قوي بو يويوم بير اوزوم اولاجاغا م موعلليم
اوندا چوخ ايش گوره جك بوگون گوينه ين اليم
كيلاسيمدان گله جك ائليميزين اوز سسي
اولاجاقدير او زمان توركون ده مدرسه سي
بؤلوم : یازار : آيدين آراز اوغي 0 باخیش